«www.atamekenim.kz» порталында көмекке мұқтаж ата-аналар өз өтінімдерін қалдыра алатын «Мектепке жол» платформасы құрылғандығы туралы хабарлаймыз

Ағымдағы жылы республикада көмекке мұқтаж балаларды барынша қамту мақсатында «Мектепке жол» қайырымдылық акциясы оның дәстүрлі басталуына бір ай ерте, шілде айынан басталғандығы өздеріңізге белгілі.
«Ата мекенім» қоғамдық қорының қолдауымен «www.atamekenim.kz» порталында көмекке мұқтаж ата-аналар өз өтінімдерін қалдыра алатын «Мектепке жол» платформасы құрылды.
Өз кезегінде демеушілер мен меценаттар ақшалай қаражатты онлайн-аудара отырып осы портал арқылы көмек көрсету бойынша өз ниеттерін жүзеге асыра алады. Бұл платформа жыл бойы жұмыс жасайды.
Ата-аналардан немесе оларды алмастырушы тұлғалардан түскен өтініштер ұлттық білім беру дерекқорының мәліметтерімен салыстырылатын болады, одан кейін көмек атаулы түрде бөлінетін болады.
Сонымен қатар, көмек көрсетудің дәстүрлі әдістері жалғасатын болады.
Сонымен бірге, балалардың құқықтарын бұзу фактілері бойынша жедел әрекет ету және шаралар қабылдау үшін «Телеграмм» мессенджерінде "BALA QORAÝ" ("https://t.me/bala_qorgau) чат құрылды.
Жоғарыда айтылғандарға байланысты, ата-аналар мен педагогикалық қоғамдастық арасында «Мектепке жол" платформасы мен телеграмма-чат қызметі туралы кең ақпараттық-түсіндіру жұмыстарын жүргізу қажет.
Сонымен қатар, ата-аналарға осы платформада өтінім толтыру бойынша көмек көрсету үшін әлеуметтік педагогтар қатарынан білім беру ұйымдарында жауапты мамандарды белгілеуді сұраймыз.
Қабылданған шаралар туралы 2019 жылғы 20 тамызға дейін Қазақстан Республикасы Білім және ғылым министрлігі Балалардың құқықтарын қорғау комитетіне хабарлауды сұраймыз.
Қосымша: 2 парақ («Мектепке жол» платформасын толтыру бойынша іс-қимыл алгоритмі).Алгоритм действий по заполнению платформы «Дорога в школу»

1. Шаг. В адресном поле необходимо набрать www.atamekenim.kz

2. Шаг. Выбрать вкладку «Дорога в школу»


3. Шаг. Выбрать вкладку «Подать заявку» и заполнить поля.



«Мектепке жол» платформасын толтыру бойынша іс-қимыл алгоритмі

1. Қадам. Мекенжай өрісінде www.atamekenim.kz теру қажет


2. Қадам. «Мектепке жол» қойындысын таңдау

3. Қадам. «Өтінім беру» қойындысын таңдау және алаңдарды толтыру.