01
октябрь
2019
«Жас ұрпақ сыбайлас жемқорлықсыз» тақырыбында тағылымдық семинар өткізілді.
Алмалы орта мектебі бойынша 5-11 сынып оқушыларына сынып сағаттарында «Адал жол – біздің жол» тақырыбында танымдық минуттары өткізілді . 8-11 сынып оқушыларына «Жас ұрпақ сыбайлас жемқорлықсыз» тақырыбында тағылымдық семинар өткізілді. Семинарға Алмалы ауылдық округінің әкімдігі аппаратының жастар ісі жөніндегі нұсқаушы Д.Байдуалиев пен Сарқан аудандық жастар ресурстық орталығының жетекшісі Д.Қалиев қатысты. Оқушыларға сыбайлас жемқорлықтың мемлекеттің бәсекеге қабілеттілігін едәуір төмендететіні, қоғамда демократиялық қайта құруларды жүзеге асыруды тежейтіні, елдің халықаралық беделіне көлеңке түсіретіні және ең бастысы – адамдардың қоғамның демократиялық негізіне деген сеніміне, заң мен әділдікке деген сеніміне, түптеп келгенде, билікке деген сеніміне кері әсер ететіні туралы ақпарат беріліп, оқушылардың жемқорлық түбі жаза екені туралы түсірген бейне-роликтері көрсетілді. Сонымен қоса «Сыбайлас жемқорлыққа қарсы күрес туралы» заңмен таныстырылып, пара берген адамда, алған адамда қылмыстық жауапкершілікке тартылатындықтары айтылып, оқушылар тарапынан қойылған сұрақтарға жауап берілді.